Ka phone hmasa Sony Ericsson W810 chu.... (a skin hi a tir ami kha kal hmang char char)Smart phone chi hrang hrang ka'n en kual a, internet atangte in review te ka en kual a (Hetah hian gsmarena.com leh techradar.com hi ka en ngun ber te anni), a specification chi hrang hrang, company hrang hrang ka enkual fe hnu ah Samsung Wave II chu ka duh ang awm tam na leh ka hman duhna tur nen a inhmeh tur leh a man pawh ka phak tawk ang ber chu niin ka hria a. Thatloh na lai leh duhthusam lohna lai chu tam mahse Samsung Wave II lei tur chuan ka rilru chu ka siam fel ta a. Rilru dang put a thildang hmuh leh hma in ka lei ta tawp a. A lo tha phian reng a.
January 2011 thla tawpa ka lei kha a nia, ka hman hnu a experience hrang hrang te :
1. Processor : A processor hi 1 GHz ARM Cortex-A8 processor, PowerVR SGX540 GPU, Hummingbird chipset ani a. Mobile phone a tan chuan chak tha tawk tak ani a. Hetiang deuh chiah hi iPhone4 ah pawh hian an hmang a, mahse iPhone4 ami tlemte in ala chaklo zawk deuh hret a ngaih ani a, mahse a hman a hman ah chuan a hriat lemloh.
2. Screen : A screen hi 3.7" ani a. Ka mobile hmasa nen a en kawp chuan a hlai mah mah em aw ka ti ve tho a tirah chuan, mahse han hman than chuan hman a nuam in en a nuam em em mai a. Music video lek phei chu screen dang aiin ka mobile screen a en hi nuam ka ti mah zawk thin.
A screen ah hian Wave a Super AMOLED kha a awm tawhloh avangin Super Clear LCD capacitive touchscreen, 16M colors an hmang a, Nisa hnuaiah pawh a lang chiang tha khawp mai. Tin, a screen size ang tho a ka duh chu a resolution hi a ni a, 800 x 480 pixel an hmang a, hei hian a screen hi en a ti nuam in thil lang hi a chiang bik hle ani. Tin a colour leh contrast pawh hi a dik hle a. music video pawh Laptop screen nen pawh dang tak ani.
3. Battery : A battery hi Li-Ion 1500 mAh an hmang a, a daih rei khawp mai. darkar 1 vel Call na atana hman hian 10-15% vel aral a. Ni 3 chhung chu charge miahlo in, ren chuang silo in a hman theih ani.
4. Video Support : Video file hrang hrang a support hnem mai bakah a resolution sang a support hi hman a ti nuam khawp mai. Youtube atang hian mp4, 1280x 720 in ka download tlangpui a, hei hi convert buai leh ngai miahlo in a play thei nghal a. Mahse 1920x1080 chu a play thei thak lo thung. Tin movie hi avi file a kan download tlangpui hi a play theih zel bakah subtitle hi a support ve thlap a, a video file hming ang chiah khan a subtitle hming kha dah ila amah in a in load ve mai. Screen te a en chu a ho duh ang reng viau nangin, romance ang chi te leh ngaihthlak chet chet ngai chi te hi chu a en zawh ve mai theih zel.
5. Operating System : Operating system hi mi te duhlohna tak ani. BADA 2.0 a rawn chhawm sa a. He operating system hi samsung ho OS thar, an mahni develop ani a, ala lar lo hle. Hemi tihlarna tur anih vang hian hemi OS rawn chhawm te hi chu a hardware spec phulo in a tlawm vek a. Wave II a spec ang deuh chiah nei android OS hmang chu Rs. 8000 laiin aman pawh a inthlau reng ani.
Ka hman rei hnu hian tha ka ti chho ve zel a, bakah OS dang hi kala khawih lo hrim hrim a, han duh a han duhloh chhan tur kala neilo hrim hrim bawk. Ka hman rei hnu a ka hriat tak chu : Android te pawh Apps ngah hle mahse, apps tha zual ho chu lei ngai anni ve zel tho a, chuta karah apps tamtak chu i device hman laia hman theihloh te kha anlo ni ve leh zel a, chuvangin apps tam ringawt ah khan kan chhawr thei vek kherlo a. A tul zual kan chhawr hi a tawk viau ani. Bakah Apps hi hmanna tur a tam em em lo, hman reng hi a peihawm teh chiam loh a lo ni. :)
6. Call log : Call log properties hi chu samsung ho phone ah chuan a inang vek a, hei hi ka duh thar khawp mai. Mi pakhat no. pakhat i call log kha sms thawn zawng zawng leh call te kha a hrang theuh in a record a. Number pakhat a i call zawng zawng kha a hrang te te in i call rei zawng nen a record thlap a, nimin piaha i biak rei zawng leh vawiin a i biak rei zawng pawh compare theih ani. A tha ve mai mai. Mahse Number pakhat log kha 30 thleng a awm thei.
7. SMS : Sms chhut hi a nuam khawp mai, on screen keyboard hi a awm mai a, qwerty keypad a rawn lang a, a screen a hlai that bakah hmeh hi a response tha riau a. Chhut sual pawh a tam duh vaklo.
Group SMS hi a thalo khawp thung. Group sms thawn dawn in mi 20 thawn dawn ta la, mi 20 te contact ah khan no 2/3 (mobile no. vek) save ta la, tuna an hman lai, i thawn duhna tak kha i hriat vek angai, A nih loh chuan en that leh a thawn that leh thin angai a, default number ah a thawn mai lova, a ti buaithlak hle ani.
8. Camera : A camera hi 5 MP ani a, still camera ah chuan ka fak lemlo khawp mai. Ka phone hmasa 2 MP pawh a quality ah chuan a tluk lo a, mahse option chu an dah hnem khawp mai. Tul fetah lo chuan ka hmang zen zen lo. Mahse a video record hi chu ka fak khawp mai. 720p quality 30fps in a record thei a, a quality chu chhuanawm ve tak anih rualin a record sound hi device danga en hian a ri a sin deuh thin a, a sound avang hian convert angai leh fo mai.
9. Built : A built hi a tha khawp mai bawk a. enge an material hman hi ka hre chiahlo nangin a screen leh a body hi chem te in ka thai chhin tawh a, a rang lo ve ve.
10. Sound : A sound hi chu Sony Ericsson Walkman phone kum 4 lo ngaihthla tawh tan chuan duhthu a sam lo khawp mai. A bass erawh a tha a, earphone tha pangngai tak chuan ngaihthlak tlak tak chu ani ve tho bawk. A earphone a zir a equaliser set zel angai a. Equaliser-a manual a awmlo hi ka duhlo hle bawk.
11. User Interface : A UI hrim hrim hi ka lei dawn a ka hlauhthawnna ber pakhat ani, achhan chu samsung phone ho hi a hman a ninawm em em vek a. Mahse Wave II hi chu smart phone anih ve tawh vang nge ni, option a tam a, hman ninawm kha a awmlo khawp mai.
12. GPS : He device hi a tira ka lawm vak tura ka ngaih loh, lo tha em em si ani. ka neih thar hnu thla 1 vel kha chu GPS hi ka khawih lo hrim hrim a. A hnu ah google map java ka download a, chumi nen a tangkawp chuan ka kalna a piang ah ka hmang ta, thlaler zinna ah te, khawpui hriat ngailoh kalna ah te, aizawl thleng pawh in a hmu dik khawp mai. Tha tak ani tha tak.. Khawiah mah a bo theihloh tih hi a taka rawn thleng hi ani ringawt mai.
13. Memory : Inbuilt memory hi 2gb ani a. mahse hetah hian system hian 1.4 gb vel ahmang a, user tan 600 mb vel ala awm a. Box ah hian 2 gb memory card an rawn dah sa a, music dah nan leh video tlem azawng dah nan chuan a tawk khawp mai. Tunah hian 8gb ka hmang a, muan phah miahlo ka hmang thei a, a tha khawp mai.
14. Kies : PC-Suite hi KIES an ti a, hman a ninawm khawp mai, video a convert thei a, internet a connect thei a, Samsung Apps ah a lut thei a, software a upgrade thei a, Chuzawng chu ani deuh mai. Sms a khawih theihloh hrim hrim a, contact hi a backup ve thei a, mahse a back up sa pawh hi off-line (Phone connect loh) chuan a hmuh theih thak loh. Phone a bo chuan chhe duai ani tho.
15. Security : Samsung ka lei na chhan chu a security system vang hi ani. Mobile tracking a awm a, tin samsung website atangin kan handset awmna a hmuh theih bawk, miin lo ru palh ta se. Tih password hi sms te, notepad te, file manager ah te leh thil dang dang ah a dah theih a. miin an khawih pawhin password dah hmak chuan thil pawi an khawih ngailo, ui tung angai lo a, a zia phian.
16. SNS : SNS ngaipawimawh chunga an siam kha ani bawk a, SNS atan chuan atha khawp mai. Mi update en nan te, SNS chi hrang hrang a update neih na application pawh a tam khawp mai. Tin, i contact ah khan i thian te fb/twitter account kha i link thei a, an contact atang khan an status update te, thlalak thar te i check zung zung thei ani. Tin, heng bakah hian contact atang hian e-mail pawh direct in a thawn theih bawk.
17. Pages : Menu ah hian page 10 a awm thei a, page khatah hian apps 12 a awm thei a, apps ngah deuh chuan a tawk lo thei dawn khawp mai a. Bakah Apps ho hi folder ah awm lo in a menu ah hian a rawn awm tawp a, a ti buaithlak, Games leh Utilities tih vel te hi folder khatah khungkhawm se a zia deuh ang.
A tawp berah chuan ka duhna em em chu a "Hang" ve ngailo hi ani. January atang khan thla 5 ka hmanna tur ani a, vawi khat mah ala hang lo. Electromagnetic field hnaiha ken hi chuan a touch hi a buai ve deuh thin a, mahse lock han hmeh vang vang hian a tha veleh mai a. Tin, games lian deuh khelh hian not enough memory a rawn ti leh thin. Tin BADA Apps la tlem deuh mahse java a support a, apps tamtak a hman theih tho.
"Samsung berkher" tih hi ka dawng hnem khawp mai a, Mizo hi chuan Nokia hi kan ti tuah hum ringawt a. Nokia handset hi kala nei miahlo a, chhungte ta erawh ka hmansak ve zuai tawh. Rs. 3000 man chunglam ah chuan Nokia hi ka duhlo hulhual. a changkan pauh leh a hang nasa a, bakah UI ah hian an fail chiang khawp mai. Tunah pawh US ah chuan sales tlahniam nasa ber anni reng bawk a. HTC hi ka awt ang reng khawp a. mahse Mobile mai mai a. cheng 20000 sen ka tumlo bur. Hardware tha ah chuan ka budget a pel si. Iphone hi.. Iphone 4 hi ka thianpa ta nileng in ka kawl sak a, ka zir chian sak tawp, ka awt lemlo khawp mai (sawi tam tawhlo mai ila)
A in lenhleih ve khawp mai.Mipa tan chuan hetiang gadget thar duh tak han neih te hi a nuam ve a. bakah ka neih hnu hian ka thiante pahnih ngawt in an lei ve leh der tawh a. Anni pawhin an fak angreng khawp mai. Smartphone starter atan chuan duhthusam ani screen lian duh ve si tan chuan.
a man zat hi chu a inthlak reng avang ania ka sawi tel loh ni, kolkata ah June 14 khan 15900 in an lei. Phone hi tlo chi ka nia, ka phone hmasa pawh kum 4 lai ka hmang a, a to lei pawh hi ka in thlahrun loh phah ve deuh thin. A tha lei a, khawih peih chi nih chuan hmanna chu a lo awm ve zel mai.
ReplyDeleteSony ericsson char char hi ka hmang thin a, samsung ka hmang ta thut a, fak viau mah ila, a hang ngailo ber leh ka hman thinna berah harsatna min siamlo a, ka tan chuan a tha thlawt ani. Blog i rawn tlawh ve a, i ti lawmawm hle mai
ReplyDeleteI blog a rawn len luh a manhla hle mai. I leina man zat han sawi tella tha lehzual tur, i han fak takah chuan keini ang thlemsam deuh chuan lei ve kan tum mai dawn a lawm mawle.
ReplyDeleteMobile phone hi mi biak nan leh a chang changa sms thawn nan bak chuan ka hmang tam lo khawp mai. Hla hi ka dah ve nual nain ka ngaithla khat khawp mai. Ka mamawhna a hoh tehreng nen phone tha leh man to deuh hi chu ka duh reng tho.
Samsung hi ka hmang laklawh a, ka ngaina khawp mai, i fak thiam bawk sia, hman ve i ti chakawm hle mai.
ReplyDeleteInbiak theihna anih chuan phone hi chu ka duhtawk a ni hma khawp mai. Zang thei ang ber leh simple ber ni mai sela, phone lamah hian ka high tech. lo ve khups
ReplyDelete@fdce7beefa462fda97f5b65df645b062 , Nia, ka thiante hian min rawn ve zeuh hi an ching a, kan ziak mawle.
ReplyDeletecaribou, Nia, mobile ah hian kan mamawh lemloh hian alo tito khawp mai a, pawisa neih avanga a to lei ngawt te, hrechiang hleilo a lei ngawt te hi ka lo ui thin. Chuan a header khi keima lak ngei, tut lui anih khi. ka lawm e.
Zaia Royte, Nia mawle, poh ah hian ka ziahah hi chuan min correct ve ziahna ani. amak khawp mai. Ka lawm e
Hetiang Phone review (leh a chi dang tam tak) , mizo tawng leh nghal ngat hi chu ka chhiar duh chi a nia, a tha khawp mai, thil dang dang te pawh rawn ti leh la, a tha ang.
ReplyDeleteMobile phone ah chuan screen hlai tha leh resolution sang, music player tha leh sound output quality pawh tha tak, camera fiahfai tha, HD video recording theihna, 3G support anih bawk chuan a tha tawk tiu teu in ka duhthu a sam khawp mai. Mobile phone man ti totu tam tak hi chu kan mamawh miah loh eng thil emaw an bilh tel thin vang hi a nia. I phone thar chu a that hmel khawp mai. Thu dang daih... i blog header picture atana i hman khi a nalh kher mai.
ReplyDeleteI ziak ngaihnawm duhawm thiam hle mai. Bias taka thlirna a ni lo bawk a, a man zat te han hria ila, tuak ve hial a chakawm alawm! I thuziak chhiar a nuam, 'poh' tih turah 'pauh' ti i hmang zauh erawh ka hmu chiang (lol). I blog chu tlawh a nuam dawn khawp mai.
ReplyDelete